SVZ-Serie : „Voss un Swinegel“ – der Brinckman-Brunnen

Der berühmte Brunnen
1 von 2
Der berühmte Brunnen

SVZ-Serie: Woans Güstrow taun „Voss un Swinegel Brunnen“ keem, vertellt in fief lütt Geschichten / 2. Teil: Ein half Johr Tiet

svz.de von
13. Juli 2015, 06:00 Uhr

Dei Börgerutschuß un dei för dat Denkmal nu taustännigen Senatoren Kluge un Thode harrn Grund tau grote Freud, denn Max Brinckman wull för all Kosten in’n Tausamenhang mit denn Brunnen upkamen un dei Stadt süll blot för denn Bu von’t Fundament un dei Sielung, denn Tau- un Aflop von’t Wader upkamen.

Un as tweiter Freudengrund keem wull noch hentau, dat dei Borwinbrunnen von 1889 nu ’n lütten Brauder kreech. Man blifft in Verbinnung, denn tau Brinckman sienen 94. Geburtsdach an 3. Juli süll dei Hüll von’t Denkmal fallen. Wandschnieder hett sien Daun mit denn Voss un denn Swienägel. För dat Brunnenbecken un dei Sül ut Granit güng dei Updrach an Steinmetz Heinig in Rostock. För Max Brinckman as Denkmals-Stifter, Prof. Wandschnieder, dei Güstrower Senatoren Kluge un Thode un Steinmetz Heinig sall dei 3. Juli 1908 dei grote Festdach in Güstrow warden.

Anfang Mai schrifft Prof. Wandschnieder an Senator Kluge, dat hei giern an’n 13. Mai noch eins nah Güstrow kamen wull un ünner Ümstänn ok Max Brinckman mitbringt, denn dei hett an’n 12. Mai wat in Berlin tau daun.

An’n 9. Mai schrifft Kluge an Wandschnieder, dat hei giern weiten wull, mit weckern Toch sei an’n 13. in Güstrow ankamen. Un Wandschnieder schickt ’n Postkort „....kommen Mittwoch 11.57 an. Da ich viel zu tun habe, möchte ich am selben Tage um 17.44 wieder zurückfahren.“

Dei Senatoren Kluge un Thode hollen an’n 14. Mai in’n Schriftstück tau denn Besäuk von Max Brinkman un Prof. Wandschnieder fast, dat dei Besichtigung stattfunnen hett un dei 3. Juli hollen ward. Wandschnieder schlöcht vör, dat Denkmal – as all utkeeken – inne Anlach Iesenbahnstrat/Eck Grabenstrat uptaustellen.

Dei Stadtbuschrieber kriecht för sien Amt Wiesung, woans nah Wandschnieder sien Angaben dat Fundament tau setten un Kies tau schütten is un Bänk för Gäst uptaustellen sünd. Wat dei Magistrat weit, sall dei Kämmerie ok weiten, denn dat Uprichten un Ünnerhollen von’t Denkmal kümmt up’e Stadt tau.

An’n 12. Juni mellt sik A. Brinckman jr. bi Senator Kluge un schrifft em, dat sien Vadder verreist is un hei sik an’n 11. Juni nah dei Steinmetzarbeiten in Rostock ümseihn un mit Steinmetz Heinig utmaakt harr, inne anner Wäk all mit dat Upstellen in Güstrow antaufangen, denn dat ward minnest 10 Daach duern un dei Brunnen süll all por Daach vör denn 3. Juli sett’t sien.

Tau glieken Tiet lopen all dei Arbeiten von’t Stadtbuamt. Dei Senatoren wiesen an, dat’s däglich twüschen denn 9. un 17. Juni oewer dei Fundierungsarbeiten ünnericht’t warden. Inne Ünnerlagen is tau läsen, dat dat Fundament an 11. Juni fardig wier, dat an annern Dach dat Leiwerauto von Steinmetz Heinig mit dat Denkmal kümmt un denn gliek upstellt ward. För denn 25. Juni finnen wi dei Notiz: „Das Denkmal ist aufgestellt, die Anschlussarbeiten an Wasser und Sielleitung sind im Gange. Stadtbauamt Thode.“
Dei grot Fier an’n 3. Juli stünn nu nix mihr in’n Wech.

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Diskutieren Sie mit.

Leserkommentare anzeigen