SVZ-Serie zum Ersten Weltkrieg : Oskar Theodor Haevernick – ein General ut Güstrow

Der habilitierte Erziehungswissenschaftler Behrend Böckmann befasst sich intensiv mit dem Plattdeutschen.
1 von 2
Der habilitierte Erziehungswissenschaftler Behrend Böckmann befasst sich intensiv mit dem Plattdeutschen.

Start der kleinen, plattdeutschen SVZ-Serie zum Ausbruch des Ersten Weltkrieges vor 100 Jahren / 1. Teil

svz.de von
14. Juli 2014, 06:00 Uhr

„Ut de irst Tied von dat Kriegsjohr 1914“ heit ’n lütt Bauk von General Oskar Theodor Haevernick, dat hei för Frünn in Güstrow schräben hett un dat 1916 bi Opitz druckt wür.

Oskar Theodor Haevernick keem an 26. Näwelmånd 1854 in Nienhagen bi Güstrow up’e Welt. Sien Vadder Theodor Louis Johann Haevernick (1826-1899) wier tau dei Tiet dei Gautspächter un Piertüchter up Nienhågen, äbenso harr hei dei Gäuder Schwiggerow un Magdalenenlust pacht un is bald von Nienhagen nå Magdalenenlust ümsiedelt. Von Magalenenlust ut hett Vadder Haevernick sien Kinner inne Schaul kutschiert, Oskar güng up’t Gymnasium un hett dor as Schäuler noch denn dütsch-franzööschen Krieg von 1870/71 beläwt. Un disse Krieg hett ok in’t Späl von’e Jungs ’n Rull spält un sei sallen ümmer raupen hemm’: „Holl fast!“ Un Haevernick sülben deit dit Wurt låters so düden: Wiss holl’n in’n Krieg un Fräden an dat grote schöne Dütschland un an uns lüttes, leiwes Meckelborg.

Un so sall hei ok hannelt hemm’ as Soldat för Dütschland un as Plattschnacker un Plattschriewer för Mäkelnborg. An denn Besäuk von’t Gymnasium in Güstrow schlütt sik noch 1871 dei Grundutbillung tau’n Offizier in’t Kadettenkorps Plön an, 1874 deint hei denn in Berlin un kümmt 1876 in’t Grotherzoglich Mäkelnborger Füsilier-Regiment „Kaiser Wilhelm“ Nr. 90 taurüch, ward ein Johr låters Offizier un kladdert wieder up: Bataillonsadjutant, Taktiklihrer anne Berliner Kriegsakademie, Hauptmann anne Kriegsschaul Neiße, Kompaniechef, Major bi dei Infanterie un führt as Oberst von’n 22.-27. August 1914 dei 10. Reserve-Divison inne Schlacht üm’e Festung Longwy-Longuyon in Frankriek.

Hei sülben ward dor tau iersten Mål dörch ’n Lungenschuß verwunnt un in’t Lazarett von Metz schrifft hei up Platt sien Beläwnissen un Indrück œwer dei iersten Kriegsdåch för dei Frünn’ in Güstrow up. Haevernick sall sik ok Fritz Reuter sihr verbunnen fäuhlt hemm’ un von dorher röcht wull sien Hengåf för dat Plattdüütsche, sien Interess’ för Heimat- un Kunstgeschicht. Hei hett sik ok dörför insett, dat dei Klosterkark taun Hilligen Krüz in Rostock un dat St. Annenkloster in Lübeck tau Museen utbucht würn.

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Diskutieren Sie mit.

Leserkommentare anzeigen