John Brinckman : Gustav Lierow, dei Fründ von John Brinckman

Der habilitierte Erziehungswissenschaftler Behrend Böckmann befasst sich intensiv mit dem Plattdeutschen.
Foto:
Der habilitierte Erziehungswissenschaftler Behrend Böckmann befasst sich intensiv mit dem Plattdeutschen.

svz.de von
08. Juli 2014, 06:00 Uhr

As Brinckman ut Amerika taurüch keem, hett hei sik in Lohmen bi sienen Fründ, denn jungen Paster Gustav Lierow uphollen. Oewer Gustav Lierow hett Fründ John nich blot upnåhmen, sonnern em ok dull hulpen, wedder in Mäkelnborg Faut tau fåten. Gustav Lierow sien Fomilie wier in Spendin tau Hus. Vadder Hartwig Carl Lierow und dorvör Grotvadder Johann Christian Lierow wiern all Pächter von dei Klostergäuder Spendin un Kleesten wäst. Un so geef dat üm dat Kloster rümmer väle Lierows und sülwst in’t Klosteramt wier dei öllere Brauder Ludwig Franz Vollrath Christian Lierow (1800 bis 1874) inne Johren von 1826 bis 1865 as Afkat un Amtsschriewer ünnerkåmen.

Brinckmans Fründ Gustav Adolph Wilhelm Lierow (1813 bis 1891) keem in Spendin up’e Welt, is in Pütt (Parchim) up’e Schaul gåhn un hett in Berlin, Göttingen un 1833/34 in Rostock Theologie studiert. Tau Lierow sien Rostocker Tiet leet sik ok John Brickman tau’t Jurastudium in Rostock inschrieben un so sünd beid miteinanner bekannt worden. Brinckman verlött 1839 Mäkelnborg un wannert na Amerika ut, Fründ Lierow bringt sien Studium tau Enn’ un kümmt dornah vör twei Johr up Gut Ruthen as Huslihrer ünner. Dat mösst sien, ihrer man ’n Pasterstell’ kreech. Hei kreech dissen Posten, dor sien Vadder un dei Pächter von Ruthen gaut Fründ wiern.. Dei Stellung von Vadder Lierow hett denn Soehn denn ok dei Anstellung as Paster in’t Nawersdörp Lohmen lichter makt, denn dei Karkgemeind wull sik ierst gor nich so recht mit son’n jungen „Preister“ anfrünnen. Oewer dei Vadder kreech dat hen un Gustav Lierow wier von 1853 an för 53 Johr Paster un Poet in Lohmen.

So is antaunähmen, dat Gustav sienen Fründ John ok raden hett, sik as Huslihrer tau versäuken, un hei sien Erfohrungen un Fründschaften nutzt hett, üm em ünnertaubringen. Tauminnest is dat natauwiesen anne Huslihrerstell’ bi’n Klosterhauptmann, denn in Klosteramt wier ja dei öllere Brauder Ludwig Afkat un Amtskurator un oewer dissen Wech wür John Brinckman tau dei Stell’ bi Baron Charles le Fort verhulpen. Un so will dat hier in’t Kloster denn ok dei Taufall, dat hei up Elise Burmeister dräpen deit, hei ut Leif tau ehr Anstellung in Goldbarch söcht un finnt, dor sien Elise friecht un 1849 mit ehr un twei Kinner na Güstrow geiht un dor bet an sien Enn’ läwt.

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Kommentare

Leserkommentare anzeigen