Da biste platt: Schneiglocken

Schneeglöckchen gehören zu den ersten Frühlingsboten.
Schneeglöckchen gehören zu den ersten Frühlingsboten.

von
04. März 2015, 13:43 Uhr

So as sik dei Samen vonne Pusteblaum dörch’n Wind süss wohen weihn lött un dei Samen von’t riepe Springkrut ut’e Kapsel hüppt, wenn man sei licht anfaten deit, so hemm’ ok dei Schneiglocken wat an sik, dat ehr Samenküürns wietaf vonne Mudderplant niege Pülten billen. Dat is nich dei Wind un dat is nich dei Druck, ne, dat is ’n besonner Oort von Rükelstoff in’n Schneiglockensamen, dei Eemken orrer Pissaminken (Ameisen) anlocken deit. Un wenn disse lütten Racker dat denn rücken, denn sünd’s tau Stell’ un nähmen dei riepen Samenküürns huckepack up un wannern dormit in ehr Wahnung af. Un sei koenen dei Samen upnähmnen, dor dei Samenkapsel von’n Schneiglock sihr schwor is un sik ümmer na ünnen up’e Ierd lecht: Dor hemm’ dei Küürns ehr Rauh, riepen ut un koenen denn dei Rükels utsennen. So geiht dat an, dat dei groten Schneiglockenpülten lütter warden orrer sogor ganz ingahn un an anner Stell’ niege Pülten ut’e Ierd scheiten.
Disse Oort von Vermihrung is all dei ollen Griechen upfollen un sei hemm’ ehr denn Namen „Myrmekocherie“ gäben. „Myrme“ is dei griechisch Wurtstamm von „Eemk“ un „chorie“ kümmt von’t griechisch Dauwort „chorein“ un deit soväl as „utbreiden“ bedüden. Ewer dei Eemken breiden nich blot dei Samen von Schneiglocken ut. Up uns Ierd gifft dat so anne 3000 Planten, dei dörch disse „Eemkenutbreidung“ ehrn Standurt wesseln koenen. Bi uns sünd dat taun Bispill noch dei Läwerblaum, dei wille Ierdbeer un dei Hasenbram (Besenginster).

zur Startseite

Gefällt Ihnen dieser Beitrag? Dann teilen Sie ihn bitte in den sozialen Medien - und folgen uns auch auf Twitter und Facebook:

Diskutieren Sie mit.

Leserkommentare anzeigen